دروس عن الكم وانواعه..

مراحب شباب اليوم رجعتلكم وبموضوع جديد وانشاء الله بعد تستفيدون منه والي هو طبعا

الكام .... يالله خل نبتدي عن درس الكام ... الله يسلمكم يا شباب الكام طبعا ينقسم لنوعين

اساسيين وهم :

1- MECHANICAL CAM SHAFT

2- HYDRAULIC CAM SHAFT

هذيله هم النوعين الأساسيين للكامات وبتكلم اليوم عن الكامين ومكوناتهم وشو الفرق بينهم

وشو سلبياتهم وايجابياتهم ... طبعا يا شباب المكاين تختلف في الهيد من حيث النوع واللي هم

ثلاث انواع رئيسية وهم :

1- SOHC
SINGLE OVER HEAD CAMSHAFT

2- DOHC
DOUBLE OVERHEAD CAMSHAFT

3- OHV

OVERHEAD VALVE

هذي هي انواع الكامات الثلاثه وانواع الهيدات الثلاثه .... شو سبب تسميتهم بسيطه النوع الأول

سموه بهالإسم لأن يكون بس كام واحد راكب فوق الهيد اما النوع الثاني فيكونون كامين فوق الهيد

والنوع الثالث بدون كامات فوق الهيد يكون بس الصمامات او الفالف بنتكلم اول شئ عن النوع

الثالث واللي هو :

OVERHEAD VALVE : يا شباب شوفوا الكت يتكون من شوه :




وهذا الكيت يتكون من :

1- LIFTERS

2- SPRINGS

3- RETAINERS

4- VALVE LOCK OR LOCKS

5- VALVE STEM SEALS

6- TIMING CHAIN & SPROCKETS

7- CAM

وهذي هي القطع المودجوده وفي قطع ثانية واللي هي :

1- PUSH RODS :




2-GUIDE PLATES




3- ROCKER ARMS AND STUDS




طبعا هذي الصورة تخص الميكانيكال كام شافت اما الصورة هاي فتخص الهايدروليك كام شافت :




يا شباب بخصوص الأوفر هيد فالف في نوعين من الكامات له والي هم :

1- MECHANICAL CAM SHAFT
2- HYDRAULIC CAM SHAFT

و اثنينهم بعد لهم نوعين اللي هم :

1- FLAT TAPPET
2- ROLLER TAPPET

و صورة الكام كيت الي شفتوه فوق فلات تابيت لاحظوا كيف الكامات مب منعمينها وسوده .. هذي

يا شباب نوعها فلات تابيت كام شافت ماتروم انك تحط رولر تابيت عليها ... بيكون غلط عندك في

الإشتغال او حتى مابيركب او يمكن الرولر يروح .... وشوفوا الرولر تابيت كيف شكله :





وطبعا لما اتكلم عن التابيتس انا اتكلم عن اللفترات يا شباب واللفترات هالقطع تركب فوق الكام

مباشرة تتحرك فوق الكام وفي نوعين طبعا الفلات والرولر ... شوفوا صورة الفلات تابيت كيف :



مثل ما انتوا تلاحظون في الرولر تابيت يكون نفس تاير تحت عشان يدور فوق الكام وهذا شكل الكام

الي يكون رولر تابيت كام شافت :




اما الفلات تابيت هذا هو :




الحين شفتوا الفرق ؟؟؟ انزين الحين السؤال شو نوع التابيت اللي يركب على الهايدروليك ونوع

التابيت الي يركب على الميكانيكال كام شافت ... والجواب هو ... اثنينهم لهم رولر تابيت وفلات

تابيت لكن الفرق يا شباب بين الميكانيكال كام شافت والهايدروليك كام شافت هو ان الهايدروليك

كام شافت ما تحتاج انك تعاير الروكرات ماله يتعاير بشكل اتماتيكي بالأيل عكس الميكانيكال كام

شافت انك انت لازم تعايره كل 3 او 4 شهور ... لا حظوا مكينة النيسان بترول المديل 90 ولا 92 كل

كم شهر لازم تعاير الوالات صح ولا ؟؟؟ انت في الأصل ماتعاير الوالات انت تعاير الفراغ اللي يستوي

بين الروكر ارم والفالف يكبر الفراغ كل فترة والسبب هو الحركة ترتخي البلوط فيكبر الفراغ انتوا

لاحظتوا طبعا فصورة الروكر ارم اللي فيه البرغي ويا الروكر او الستد ويا الروكر ... وهذا طبعا انا شرت

عليه على اساس انه ميكانيكال روكر ارم لأن هالستد يا شباب انت تشده وترخيه فتعاير الروكر على

هالأساس اما الهايدروليك روكر ارم انتوا لا حظتوا ان فيه بس برغي وواشر ها يا شباب لأنك بس

تشده وخلاص تنتهي القصه .... هاي فايدة الهايدروليك كام شافت لكن فيه عيب وايد قوي

اذا كان عندك كام كبير او حتى كام وكاله ممكن يحصل خطأ في الإشتغال والوال يظرب في البستن

على طول ويروح عليك الوال ويروح عليك البش رود ينعوي على طول .... والصراحه هالمشكله اكثر

شئ ممكن تلاحظون عليها فمكينة الفورد موستنج 95 وانتوا نازلين تحت اللي هي مكينة ال 5.0

وانا الصراحه انصحكم وايد بالميكانيكال كام شافت لأن احسن من هالناحية ان مايظرب الوال في

البستن ... بس طبعا اتحمل كل 3 او 4 شهور لازم تعاير الجاب او الفراغ اللي يحصل بين الروكر

والوال ... بس انا اشوف هالشئ احسن الصراحه عن الأخطاء اللي ممكن تحصل مع الهايدروليك

فانتبهوا يا شباب من هالنقطه وعلى فكرة ترى مايستوي انك تركب سامان الهايدروليك على

الميكانيكال كام شافت لا يقصون عليكم المحلات وعقب تراهم بيتبرون منكم وبيقولون نحن ما

قلنالكم وهالشئ حصل مع كثير من الشباب لأن الإشتغال ما بيكون صح وعلى فكرة ترى 90% من

اللي يبيعون مايعرفون شو السالفه وانا خبرتكم عشان تنتبهون ولا تطيحون في الأمريكي وتقولون

خرابه كثير وماعرف شوه لا بالعكس الصراحه اكثر المكاين اللي تعيش هي مكاين الأمريكي وهاي

عن تجربه اقولكم اياها ... بس اذا كنت تعرفلها مب واحد ايي ويقص عليك ويقولك سو ولا تسو وهو

روحه مايدري شو السالفه فاتعلموا يا شباب عشان ما تغلطون ... طيب يا شباب بخصوص

الميكانكال كام شافت ... ترى على فكرة كل ما كبر حجم الكام لازم تغير البوش رود ماله لأنك يوم

تعاير طبعا كل شئ محسوب على اساس الكام فلو تغير الكام لازم تنتبه من البوش رود وتسأل

البايع شو الحجم اللي تنصحني فيه ... طبعا يوم اتكلم عن البايع ما اتكلم عن اللي عندنا في

الدوله انا اتكلم عن الموقع او الشركه اللي في الخارج الي اشتريت منها الكام لأن هم عندهم

القياسات وعلى فكرة عندهم بعد التيكنكال اسيستانس واهم شركتين انا اشوفهم هم :

www.summitracing.com

www.jegs.com

وعلى فكرة نسيت اقولكم احسن الشركات اللي تصنع الكامات و اكثرها شيوعا هي :

1- CROWER CAMS

2- LUNATI

3- CRANE CAMS

4- COMP.CAMS

وعلى فكرة الكراور يفصلون كامات بعد لأي سيارة تبونها واظني الكمبتشن بعد بس انا متأكد من

الكراور ... تروم تشوفون موقعهم من الإنتر نت بس انا ماعندي حاليا موقعهم ...سوري يعني لازم

تتعبون شوية عشان تحصلون الموقع طيب يا شباب اتكلمنا عن ديزاينات وانواع الكامات ... اوكيه

انتوا اكثركم طبعا اتعرفون ان للكامات قياسات ... اكثريتكم هني يقولون ستيج ون ولا ستيج توه

اصلا يا شباب ما في شئ اسمه استيج ون ولا ستيج توه في شئ اسمه قياسات واهمها هي :

CAM LIFT

وانشاء كفيت ووفيت وماطولت عليكم
م ن ق و ل

معليش يا شباب ما قدرت انزل الصور
تحياتي.......

مشكور لمجهودك

العفو يا دي جي بور, وهذا اقل شي ممكن اقدمه للمنتدى
تحياتي....